Sælar stúlkukindur..

Jæja.. voða er þetta nú dauð síða hjá okkur Nöldurpíurnar mínar.. ég ákvað nú að setja eitthvað hérna inn þó að ég hafi algerlega ekkert að segja.

Dagarnir mínir eru voða tilbreytingarlausir.. Eina sem ég geri er að læra, elda, fara í höfuðbeina og spjaldhryggsmeðferðir einu sinni í viku og reyna að fara út að labba þegar ég nenni..

Bræðurnir eru allir í Orlando núna að sletta úr klaufunum, þeir fóru á mánudaginn og koma á sunnudaginn, þess vegna er ég bara búin að vera hérna í sveitinni alla vikuna, langaði ekki að láta múttu og Mola vera ein.. og það er búið að vera bara ótrúlega notalegt verð ég að segja..

Ég og Alda Marín fórum á Rústað í Borgarleikhúsinu um daginn, mér fannst það alveg fínt og það var ekki jafn ógeðslegt og ég átti von á, miða við allar hræðslusögurnar sem maður var búinn að heyra.. En æi ég veit það ekki, ég er meira til í að fara á leikrit sem ég get hlegið af eða er með góðum lögum frekar en svona drama og þunglamalegt en þetta var alveg ágætisafþreying og reyndar þrusuvel leikið hjá þeim.

Og að lokum spyr ég .. hverjar ætla á þorrablót?!?!?!

Knús og kram..

Sigurborg Sif

(þessi færsla komst mjög nálægt því að vera eins og dagbókarskrif)